TP-p Aningaasaateqarfiani suleriaaseq

Ilaasortat pisortanut isumaqatigiissut naapertorlugu atorfeqartut feriehjælpefondimut qinnuteqarsinnaapput sulinngiffeqarluni angalanermut atorneqartussanik – aappatillu akiliunneqarlutik sulinngiffeqarlutik angalasinnaanngikkunik. Pisortat qaammammut 150 kr.-mik akiliisarput DJ/TP-p Naalakkersuisullu isumaqatigiissutaanni 2017-21-mut atuuttumi § 20 naapertorlugu.

Ima agguaassisoqartarpoq:

1. TP-mi qanoq sivisutigisumik ilaasortaaneq najoqqutaralugu
2. Isumaqatigiissut naapertorlugu qanoq sivisutigisumik atorfeqarsimaneq*

Ukiut 3 sinnerlugit … 3/3

Ukiut 2 sinnerlugit … 2/3

Ukioq 1 sinnerlugu … 1/3

Feriehjælpefondimut ukiumut marloriarluni qinnuteqartitsisoqartarpoq apriilimi otobarimilu. Ukioq allortarlugu ilaaso

rtaq tunineqarsinnaavoq.

Ukiup siuliata naatsorsuutai tunngavigalugit siulersuisut aalajangertarpaat ukiumi aggersumi aningaasat qanoq amerlatigisukkuutaarlugit agguaasoqassanersoq.

*Aalajangersagaq ima paasineqassaaq:

a) DJ-imi laasortat (qanorluunniit sivisutigisumik) TP-mi ilaasortaasimassapput minnerpaamik ukiumi ataatsimi qinnuteqarsinnaassagunik

b) Ilaasortanngorlaat nunaqavissut isumaqatigiissut naapertorlugu ukiuni arlalinni atorfeqarsimagunik sulisitsisumiillu minnerpaamik ukiuni pingasuni akilersuunneqarsimaguni ukioq ataaseq ilaasortaareeruni tamakkiisumik (3/3) tunineqarsinnaavoq.

Hjælpefondi

 Hjælpefondimit tapiiffigineqartoqarsinnaavoq aatsaat siunertanut taaneqartunut qinnuteqaamik immersuinikkut. Hjælpefondi tapiisarpoq siunertanut inuuniarnermut ilinniarnermullu tunngasunut, tunngaviit ataaniittut tunngavigalugit. TP-mi ilaasortat tamarmik DJ-imut qaammammut akiliutertik aqqutigalugu 50 kr.-ertarput. Ilinniartut affarmik akiliisarput. DJ-imi ilaasortat TP-mut minnerpaamik qaammatini pingasuni ilaasortaasimasut qinnuteqarsinnaapput.

Inuuniarnermut tunngasuni siunertat makkuupput:

• Qanigisarinngisap napparsimanera
• Aningaasaqarnikkut ajornartoorneq, ilimaginngisamik tassanngaannarluunniit psioqarneratigut
• Inoqutigiinni ukiumut 350.000 kr.-t inorlugit isertitalinnut sulinngiffeqarnermi angalaneq
• Aningaasartuutit immikkut ittut, soorlu apersortitsineq, meeqqap nunamut allamut atuariartornera, efterskolerneq assigissaalluunniit.

Ilinniarnermut siunertat makkuuput:

• Pikkorissarnerit sivikitsut sulisitsisumit ilaannakortumik tapiiffigineqartut
• Freelancerit pikkorissarneri
• Pikkorissarfissamut angalanermut aningaasartuutit
• Pikkorissarnermut ilinniaqqinnermulluunniit peqataanissamut akiliut

Qinnuteqaat uppernarsaatitaqassaaq soorlu missingersuummik, naatsorsuutinik, akiliisimanermut uppernarsaat kisalu pikkorissarnermut/ilinniaqqinnermut akuerisaasimanermut uppernarsaat.

Aningaasaateqarfiup immikkoortuinut tamanut atuutut:

ilaasortat sapinngisamik amerlasuut aningaasaateqarfiup aningaasataanik ilangiinissaat siulersuisut qularnaassavaat.

Agguaasoqarnerat kinguninngua aningaasanik tunineqartut nalunaarfigineqassapput.

Aningaasaateqarfiup aningaasaqarnera ukiumilu aggersumi qassinik agguaasoqarsinnaanera pillugit kukkunersiuisoq TP-p ukiumoortumik ataatsimeersuarnerani saqqiiussissaaq.

Suleriaaseq TP-p siulersuisuinit akuerineqassaaq. Allannguutit ilisimatitsissutitut TP-p ataatsimeersuarnerani saqqummiunneqassapput.

Siulersuisut ataatsimiinneranni akuerineqarput 22/10-2014, april 2018, 7/3-2020, 7/10-2020,

TP-p ukiumoortumik ataatsimeersuarnerani 14/3-2020 saqqummiunneqarput, siulersuisunit allanngortinneqarpoq 7/10-20.