Sinniisoq: Ajuallatsitsilluni allakkat sulisut akerlilerpaat
5. februar 2014
KNR-ip nittartagaani aaqqissuisup Partii Inuit siulittaasuannut Nikku Olsenimik sakkortuumik ajuallatsitsinera KNR-imi nutaarsiassaqartitsivimmi sulisut, tusagassiortut allallu, nutaarsiassaqartitsivimmut attuumassuteqartuusugut tamavitta sakkortunerpaamik akerlilerparput, tassami taama pissusilersorneq KNR-imi ileqqorinnginnatsigu.
KNR-imi sulisup ataatsip politikerimut sakkortuumik ajuallannartumillu allannera KNR-imi sulisuinut tamanut annernartutut tiguneqarpoq. Pisimasorli pereerpoq, allanngortissinnaanngilarpullu.
Paasilluarsinnaavarput tusarnaartartutta nittartakkatsinnilu atuartartutta taama pissusilersorneq aallaavigalugu KNR-i tatiginanngitsutut isigissappassuk.Tatigisaaqqilernissarput anguniarlugu sulissaagut.
Erseqqissaatigilara tusagassiorneq tamatigoortoq aallaavigalugu aamma naalakkersuinikkut pissutsinik isornartorsiuisinnaatitaanerput aallaavigalugu, soorunami ileqqorissaarneq tassani aamma aallaavigalugu, tusagassiisarnerput aallutiinnassagatsigu, isumaqatigineqanngikkutta isumaqatigineqaruttaluunniit.
/AF
Kommentarer