Ilaasortanut ilisimatitsinerup eqikkarneqarnera

Peqataasut: Siulersuisuni ilaasortat (siulittaasoq Leif P. Hendriksen, siulittaasup tullia Dorthe Olsen, ilaasortat Henriette Simonsen, Jonas Fievé aamma  Najâraq Egede –aningaaserisoq imaqarniliortorlu). Ilaasortat peqataasut: Erik Holmsgaard, Mariia Simonsen, Irene Jeppson, Else Olsvig aamma Jaaku Lyberth.

Peqatigiiffiup killiffia pillugu ilisimatitsinissaq, ilaasortat marlussuit saaffiginninnerannik tunuliaqutaqartoq Leif oqarpoq.

TP'p aningaasaqarnera
Najâraq Egede: Aningaasaqarneq aalaakkaasumik ingerlaqqilerpoq. Konto ingerlaavartoq 2016-imi  amigartoorfiusussaagaluartoq aningaasaateqarfiit ilaannit attartornikkut akiligassat akilerneqarput. Tassa TP-p aningaasaateqarfiisa kontoanni ataatsimi aktiaatinit kontomut allamut tunisinikkut TP akiitsuerupoq. Naatsorsuuserisoq upernassaq TP-p 2017-imi ukiumoortumik ataatsimeersuarnerani ilisimatitsivoq qanorlu iliortoqarnissaanik innersuussuteqarluni. Tamannalu naammassineqarpoq.

”Grønlands Mediefond”-iusimasup aningaasaataasa sinneri, kursusinut ilinniaqqinnernullu atugassat (tusagassiortunut) siulersuisut aamma isumagaat. TP-p Grønlands Revisionskontorip avataaniittumik inatsisilerinermik misilittagalimmik siulittaasoqalernissaa naatsorsuuserisumit inassutigineqarpoq. Sulisitsisut Kattuffiannut (GE) saaffiginneqqulluta inatsivoq. GE-mulli saaffiginninnerit arlaliugaluartut suli kinguneqanngilllat.

Mariia ”Restpuljemut"- isumaginnittuunissamut neqeroorpoq. Najâraq GE-mit tusagaqariaruni Else Mariialu aggersassavai ilaasortanut nittartagaq aqqutigalugu nalunaaruteqartoqarniassammat. Restpulje 600.000 kr-it sinnerlugit imaqarpoq.

Irene: TP-mit aninissi eqqarsaatigilersimagaluarpaa, ilinniaqqissinnaanermulli qinnuteqarnissamut periarfissaqartoq tusarlugu isumalluarnerulerpoq. Else: tamanna ilaasortaasutut iluaqutissaavoq pitsak.

Feriehjælpefonden ukiumut aappassaa qinnuteqartitsingajalerpoq. Qinnuteqartitsineq siulleq upernaaq pivoq. Hjælpefonden qaammammut ataatsimik marlunnilluunniit qinnuteqarfigineqartarpoq. Maleruaqqusat TP-p nittartagaaniipput.

Akissarsianut isumaqatigiissut
Akissarsiat pillugit isumaqatigiinniarnerit sivisuumik isumaqatigiinniutigineqareerlutik aasaq naammassineqarput, ilaasortallu juunimi akueraat. Taamaakkaluartoq isumaqatigiissutip oqaasertassavii suli naammassineqanngillat. Tamanna pisortat suliffeqarfiutaanni sulisut akissarsiaasa kingumoortumik qaffaataasa tunniunneqarnissaannut kinguarsaataavoq. KNR-illi isumaqatigiissummi tunngaviusumik isumaqatigiissutaasut kisitsisitaat tunngavigalugit KNRimi sulisunut ”reguleringisitsisimavoq" (unioqqutitsinerunerpa?)
 
Kattuffiit aallartitaasa naapeqatigiiffiat (Samråd)
TP samråd-imut aggersarneqassaarpoq, Samrådimiipput IMAK, AK allallu. Leifip ilisimatitsissutigaa, ukiualunni TP peqataasarsimanngitsoq sammisat TP-mut ungasippallaarmata. Leifilli peqatigiiffiit ilaat saaffigissavaa Samrådi suli ataatsimiittarnersoq paasiniarlugu.

Facebook-imi takussaaneruneq
Ilaasortat ilaata siulersuisut internetikkut attaveqaatitigut akuunerunissaat ujartorpaa. TP-p isummersornerunissaa aamma amigaatigineqarpoq. Tassunga atatillugu eqqaaneqarpoq Nina Jul Larsenip TV-kkut aallakaatitassiat ilaannik uparuaanera, ”pulaartut” tusagassiortuunngitsunit illuatungeqanngitsumik qanorsuaq oqalutsiinnarneqarannik imalik:
"Jeg har nogle spørgsmål til debat om KNR forpligtelser som public service station: i KNRs program etik står der:
Fairness-princippet...”

Ilaasortanik isumaginninneq
TP-p siulersuisui KNRTV-mi aqutsisunut saaffiginneqquneqarput aallakaatitassiortut tamarmik minnerpaamik tusagassiornermi ileqqussat suunerinik ilinniarteqqaarlugit aatsaat sulisinneqalertarnissaat pillugu. Tusagassiortutut ilinniagaqarsimanissamik pingaartitsineq taamaalilluni ersersinneqassammat.
KNR-imi nutaarsiassalerisut "web-first" pingaarnertut suliarissagitsik tusartualerpaat.
Sulisut pisortaqatigiit arlaannik qaquguluunniit oqaloqateqassagunik TR-it oqaloatigiinnernut peqataasinnaatitaasut(tillidsrepræsentant) ilisimatittarniarpaat. Taamaaliortarnerilli tamatigut pineq ajorput.

TR-it tamaviaarput- inuulli nammineq aalajangigassaraa.
TP-p facebookimi quppernera sulianut tunngasunik oqalliffiuvoq, TP-llu nittartagaa peqatigiiffimmut tunngasunik ilisimatsitsisarfittut atuuppoq. Facebookimi allattoqaraangat siulersuisuni ilaasortat ingerlaannaq iliuuseqajuipput, ilaasortat akineqarnissartik uffa utaqqigaat. Taamaalillutik soqutigineqanngitsutut misigisimapput. Siulersuni ilaasortat facebookerajuttuunngillat, neriorsuippulli eqqumanerulissallutik.

Ilaasortat kommunikationimik suliallit Namminersorlutik Oqartussami maanna qassiunersut Leifip misissoniarpaa. Ilaasortammi suliffeqarfimmi tallimaagunik sulisut sinniiseqarnissartik piumasarisinnaavaat.

Nanoq Newsip nutaarsiassaleriffitsik matuaat, siunissamilu sapaatip akunneranut nutaarsiassat tunulequtaanik taasanik aallakaatitassiortalerniarlutik.

DJ
DJ-imi siulittaasoq Lars Werge tikeraarsarneqaqqippoq. Per Sørensen TP-p ukiorpassuarni isumaqatiginninniartartorisaa soraarninngortussanngorpoq. Claus Iversen DJ-imut siunissami attaveqaataalissaaq.

TP-mi siulersuisut
Leif P. Hendriksen TPmi siulittaasuuvoq, allamik aalajangiisoqarnissaa tikillugu. Leif KNR-imi atorfimminiit maaji 2017-imi suliunnaarsitaavoq (fritstillet). Suli soraarsitaaneranut tunngatillugu isumaqatigiittoqanngilaq. DJ-ip KNR-illu akornanni suli isumaqatigiinniartoqarpoq. Imaassinnaavoq isumaqatigiissitsiniartussamik  ”voldgifts-sag”-inngorpat pisariaqartitsisoqalerumaartoq. Leifi suliffeqannginnermini peqatigiiffimmut tunngasunik suliaqarnissamut piffissaqarnerulerpoq. Aamma suli sulisut sinniisuunerattut (fælles tillidsmand) atuuppoq. KNR-imut tunngasoqaraangat DJ sulisullu sinniisai allat ingerlatitseqqiffigisarpai.