Ataatsimeersuarnissamut qaaqqusissut 2018

Asasagut TP-mi ilaasortat.

Ukioq ataaseq qaangiuteriikatappoq ataatsimeersuarnissarlu qanilleriikatappoq. Ataatsimeersuarneq februarip 24-iani ingerlanneqassaaq neriniartarfimmi Nasiffimmi nalunaaqutaq 15.00 aallartilluta.

Kingorna najuuttut nereqatigiissapput. Nereqataaniaraanni nalunaarfissaavoq leifphendriksen@gmail.com kingusinnerpaamik ulloq 22.02.2018

Malittarisassat malillugit ullormut oqaluuserisassat ingerlanneqassapput, soqutiginartunillu ilaqarpoq, soorlu:

Siulittaasumik qinersineq.

Massakkut siulittaasorput immikkoortortaqarfitsinniit (kreds 7-mit) nuuttariaqalernera pissutaalluni nutaamik siulittaasussarsiussaagut.

Tassunga tunngatillugu paasiniaavigineqarsinnaavoq: leifphendriksen@gmail.com

Pisortat suliffeqarfiini sulisut sinniisaanik toqqaaneq (Fællestillidsrepræsentant).

Massakkut siulittaasorput aamma fællestillidsrepræsentantiummat tassunga aamma nutaamik toqqaassaagut.

Tassunga tunngatillugu paasiniaavigineqarsinnaavoq: leifphendriksen@gmail.com

Aningaaserisumik qinersineq.

Aningaaserisorput tunuarniarmat aamma tassunga atorfimmut pingaaruteqartumut nutaamik qinersissaagut.

Tassunga tunngatillugu paasiniaavigineqarsinnaavoq: naja.egede@gmail.com

Suliassanut piumasaqaatinullu tunngatillugu paasisaqarusukkaanni saaffiginnittoqarsinnaavoq.

Inussiarnersumik Siulersuisut