Akissaatit pillugit isumaqatigiissut akuerineqarpoq

Namminersorlutik Oqartussanut akissaatit pillugit isumaqatigiissut malillugu  ​akissarsiallit ilaatigut kommuunini, KNR-imi kiisalu Namminersornerullutik Oqartussani atorfillit akissarsiaat pillugit isumaqatigiissutaata nutarterneqarnissaat pillugu TP/DJ-imi ilaasortat akornanni taasisitsineq maanna naammassineqarpoq.

Ilaassortat amerlanerussuteqarluartut akuersillutik taasipput.

Taamaalilluni DJ’p ilaasortaannut akissaatit pillugit 2016 - 2020-mut isumaqatigiissut akuersissutigineqarpoq. Ilaasortat affarpiangajaat (51 %) taasisitsinermi peqataapput tamannalu imatut inerneqarpoq, 84,6 % akuersillutik taasipput, 3,8 % akerliullutik 11,5 %-illu akerliunatik isumaqataanatilluunniit taasisimapput.

Angusat isumaqatigiissutigineqarput aningaasatigut sinaakkutissat annikitsuararsuit iluanni angusallu ilanngaatissat peereerlugit 3,00 %-iupput, aaqqissuussinernit allanngortitanit aningaasaliussat atoqqinneqartussanut angusat 2,23 %-iupput kiisalu 0,28 % ingerlatsinermi teknikerit pensionisiassaasa pitsanngoriaatissaannut immikkut ittumik atorneqassasut Namminersornerullutik Oqartussat piumasaraat.

Tamatuma saniatigut nali angusaasoq tassaavoq – angusat uppernarsaataasa ilaatut aningaasartaqartinneqanngikkaluartut – tassalu KNR-imi suliasut namminneq toqqakkaminnik pikkorissarsinnaalerput ukiumut ulluni marlunni akissarsiatik pigiinnarlugit.

Tusagassiortut aamma ingerlatsinermi teknikerit akissarsiaat qaffanneqassapput 1,453 %-imik tulleriinneri malillugit 1. april 2016-imi aamma 2017-imi aamma 0,944 %-imik tulleriinneri malillugit 1. april 2018-imi aamma 2019-imi.

Ilinniartut tamarmik (tusagassiortunngorniat aamma ingerlatsinermi teknikerinngorniat aamma FTP’t) akissarsiaat qaffanneqassapput 1,308 %-imik tulleriinneri malillugit 1. april 2016-imi aamma 2017-imi aamma 0,85 %-imik tulleriineri malillugit 1. april 2018-imi aamma 2019-imi.

Akissaatit pillugit isumaqatigiissut nutaaq piaartumik TP/DJ’ip nittartagaani takuneqarsinnaalissapput.